ప్రజా గళం హైదరాబాద్ డెస్క్:
దక్కన్ సర్కార్ లాంటి సినిమాలను ప్రజలు ఆదరించాలని సూపర్ స్టార్, తెలంగాణ ఫ్రీడమ్ ఫైటర్, కాంగ్రెస్ ఎమ్మెల్సీ విజయశాంతి అన్నారు. తెలంగాణ ఉద్యమకారుడు ప్రముఖ రచయిత, నిజామాబాద్ జిల్లా వాస్తవ్యులు కళా శ్రీనివాస్ ప్రతిష్టత్మాకంగా నిర్మించిన “దక్కన్ సర్కార్” సినిమా పోస్టర్ ను లేడి సూపర్ స్టార్, తెలంగాణ ఫ్రీడమ్ ఫైటర్, కాంగ్రెస్ ఎమ్మెల్సీ విజయశాంతి బుధవారం రాత్రి
బంజారా హిల్స్ లోని ఆమె నివాస కార్యాలయంలో ఆవిష్కరించడం జరిగింది. ఈ కార్యక్రమంలో మరో సీనియర్ ఉద్యమకారుడు, కళాకారుల జేఏసీ అధ్యక్షుడు మురళీధర్ దేశ్ పాండే, చిత్ర హీరో చాణక్య, మౌనిక పాల్గొన్నారు. ఈ సందర్భంగా
విజయశాంతి మాట్లాడుతూ..
ప్రజా ఉద్యమాలతో సంబంధం ఉన్న రచయిత, ప్రజాకళాకారుడు కళా శ్రీనివాస్ నిర్మిస్తున్న *దక్కన్ సర్కార్* సినిమా ప్రజల్లోకి వెళ్లాలన్నారు. చిత్ర విజయానికి తన వంతు కృషి చేస్తానని సినిమా అప్డేట్స్ చూస్తే ఈ సినిమా విజయవంతం అవుతుందని ఆశ భావం వ్యక్తం చేశారు.100 మంది ఆర్టిస్టులు, 50 మంది టెక్నిషియన్ల కృషి ఈ సినిమాకు ఉందన్నారు. తెలంగాణ ప్రాంతం నుండి ఇలాంటి మరిన్ని చిత్రాలు రావాలన్నారు.దానికి ప్రభుత్వం కూడా సహకరిస్తుందన్నారు.
మురళీధర్ దేశ్ పాండే మాట్లాడుతూ..
తెలంగాణ అస్తిత్వానికి అద్దం పట్టే ఇలాంటి సినిమాల నిర్మాణం జరగాలన్నారు. ప్రభుత్వం తెలంగాణ సినిమాలను, కళాకారులను ప్రోత్సహించాలని, చిత్ర యూనిట్ ను అభినందించారు.
చిత్ర దర్శకుడు, నిర్మాత కళా శ్రీనివాస్ మాట్లాడుతూ.. ఇది ప్రజల జీవన స్థితిగతుల కథ అని, సహజ సంఘటనలను బేస్ చేసుకొని సహజ సిద్ధంగా నిర్మించిన చిత్రం అన్నారు., 2 సంవత్సరాలు కష్టపడి ఎన్నో ఒడుదొడుకులు తట్టుకొని పూర్తి చేశామని, ఈ సినిమాని తన అభిమాన తార విజయశాంతి ప్రమోషన్ చెయ్యడం తనకు ఎంతో గొప్పగా అనిపించిందన్నారు. విజయశాంతికి, మిగతా అతిధులకు చిత్ర హీరో, హీరోయిన్ లకు కృతజ్ఞతలు తెలియజేఇస్తున్నామన్నారు.
చిత్ర ప్రధాన నటుడు చాణక్య మాట్లాడుతూ.. ఈ సినిమా కోసం నేను చాలా యాస, భాష గ్రామీణ పరిస్థితులు హావభావాలు ఇలా చాలా నేర్చుకున్నానని, ఈ చిత్ర విజయం మాకు అవసరం అని, దానికి ప్రజల ఆశీర్వాదం కావాలని ఈ సందర్భంగా సినిమా పోస్టర్ రిలీజ్ చేసి సినిమాకు మద్దతుగా నిలిచిన విజయశాంతికి, సినిమా నిర్మాత, దర్శకుడు కళా శ్రీనివాస్ కి, మౌనిక కి, దేశ్ పాండే గారికి కృతజ్ఞతలు తెలిపారు.
మరో నటి మౌనిక మాట్లాడుతూ..
ఈ సినిమాలో నాకు అవకాశం రావడం అదృష్టంగా భావిస్తున్నానని అందరికీ ధన్యవాదాలు తెలియజేశారు.
ఈ కార్యక్రమంలో వివిధ జిల్లాల నుండి వచ్చిన సుమారు 40 మంది కళాకారులు పాల్గొన్నారు..
0